Feira 50 med limousin og Skjolden-tur

Feira bursdagen med limousin og tur på Skjolden

Foto: privat

Håvar Fagerli, barmen.no

Når veninnegjengen frå Gloppen skal feire ein av sine eigne, gjer dei det skikkeleg.

Laurdag 21. september rulla det ein svart limousin inn på ferja, noko som i følgje ferjemannskapet er eit sjeldant syn på sambandet.

Ut av den limousinen kom det seks glade og spreke damer.

– Ferjemannskapet hadde aldri hatt med ein slik gjeng som oss før, trur dei likte det også, ler ein av deltakarane i reisefølget, Ingunn Aske Håvik.

Veninnegjengen hadde base på ei hytte i Håvik og var på veg til Skjolden for å gå den same rundturen som vart arrangert under Opplev sjarmen med Barmen.

– Og for ein dag vi fekk på Barmen. Fantastisk dag, og vi var så heldige med vêret, seier Håvik etter å gjennomført den sju kilometer lange rundturen på Barmen.