Solstien er offisielt opna. God tur!

(19.08.2017): I sommar opna Solstien på Barmen. Her har familien Barmen på Solhaugen laga ei fargerik turløype frå vegen og opp til Hornet. Den kreative familien har dekorert stien med flotte steinmåleri og ein natursti med spørsmål for både små og store. Turen passar for turgåarar i alle aldrar og formnivå. Sjå bilete her.

Mange ville til Barmen i sommar

(19.08.2017): Også denne sommaren var det godt med besøk til Barmen. Fleire gongar var ferja heilt fullasta, men Barmøyferja køyrde då tilbake og henta dei som måtte stå igjen. Sjølv om det store sommarvêret har glimra med sitt fråvær har turistverksemdene har hatt godt besøk og turområda på øya har vore flittig brukt.

Anbodet krev elektrisk ferje på Barmen-Barmsund

(19.06.2017): Sogn og Fjordane Fylkeskommune har no handsama framlegg til anbod for Barmen-Barmsund. Anbodet legg opp til at "hovudferja skal vera plug in hybrid, og all energiforbruk knytt til drift av ferja skal i ruteproduksjon

eller ved landligge baserast på straum (frå elnettet)" Ferja skal ha same regularitet som i dag, og skal ha plass til 10 personbileingar og/eller eitt vogntog. Sidan ferja skal ladast ved landligge, må det setjast opp ladestasjonar. Arbeidsgruppa  for ferjetilbodet til Barmen meiner det er heilt avgjerande at ladestasjonen vert på Barmen (øya), og arbeider no med at dette kjem med i anbodet.   Les utgreiinga/vedtaket til fylkeskommunen her.

17. mai 2017 - Godt vêr og god stemning

(17.05.2017): Godt vêr, inneklemt mellom to lågtrykk, la ei flott ramme kring feiringa av 17. mai 2017. Nytt av året var korpsmusikk på høgtalar. Dette fungerte bra, og dei fleste greidde å halde takta. Inne i grendahuset var det dekka eit stort kakebord, som smakte svært godt etter turen bort til Storesvingen. Feiringa heldt fram med leik, quiz, sosialt samvær og konkurransar. Sjå fleire bilete her.

Barmøyferja spelte hovudrolla som skadestad

(12.02.2017): Barmøyferja spelte hovudrolla som skadestad då naudetatane frå Selje, Vanylven, Eid og Stryn gjennomførte ei storøving i Selje 8. februar 2017. Klikk her for bilete og video.

God trafikkauke på Barmøyferja

(21.01.2017): Barmøyferja har dei siste åra hatt ei god trafikkauke på både personbilar og passasjerar. I løpet av 2016 reiste 6.951 personbilar med ferja mellom Barmen og Barmsund. Dette er ei auke på heile 1.099 bilar i forhold til 2014. - Dette er gledelege nyhende, og trafikkauken viser at øya er inne i ei positiv utvikling, seier representantar frå Barmøy bygdelag og Barmøy grunneigarlag til barmen.no.  Les meir

LIZZ LAGA KJEMPESTEMNING I GRENDAHUSET..IGJEN

(05.11.2016): Allereie frå første song var det fullt på dansegolvet i grendahuset  denne layurdagskvelden. 55 glade menneske hadde møtt opp til dans og konsert med artisten Lizz. Barmøy Gjestehus stod som arrangør, og seier at dei er godt fornøgde med arrangemenet. Fleire hus på Barmen var denne helga fylt med gjester frå fastlandet, og barmen.no har fått tilbakemeldingar om at det var svært god stemning rundt om. Tusen takk til Barmøy Gjestehus og Lizz for eit flott arrangement.

Kva tyder dei 1600 år gamle runene på Runesteinen på Barmen?

(07.08.2016): Mellom Korsnes og Røyset står det ein bautastein med innskrevne runer. Ein har tidfesta innskrifta på runesteinen til år 400, og er med det av dei eldste i Sogn og Fjordane. Runene er frå den eldre runerekkja, og dei lærde er usamde om tydinga. Runesteinen er no gjort meir synleg med skilt, og det er høve for kvar enkelt å gjere seg opp ei meining om tydinga.    Les meir.

Skøyteis på Fjellvatnet søndag 10. januar 2016. (Foto: Håvar Fagerli)