OPPDATERT  18.11.2013

GLIMT FRÅ SALSMESSA 2013

Laurdag 16. november var det salsmesse og kafè i grendahuset. Det vart òg arrangert ein liten basar i regi av bygdelaget,  der ein fekk over 3.000 kroner til tyfon-offera på Filippinene. http://barmen.no/Salsmessa2013/Sjå bilde frå salsmessa 2013 her.

KOMMUNEN INVITERTE TIL FOLKEMØTE I GRENDAHUSET

Torsdag 14. november kom Selje kommune med ordførar Ottar Nygård i spissen til grendahuset på Barmen. Selje kommune er i ferd med å utforme ny kommuneplan, og barmarane møtte mannsterke opp for å kome med sine innspel. Tilbakemeldingane frå kommuneleiinga var at Barmen er eit samfunn prega av optimisme og framtidstru.  Her kan de lese meir om kommuneplanen

GRATULERER MED 50 ÅR, "EPOS"!

Kristine Haugland fortalde historia om bokbåten på svært levande og humoristisk vis. (Foto: Håvar Fagerli)

 

I 2013 er det 50 år sidan bokbåten "Epos" starta på den viktige ferda si. Barmen er ei av hamnene der "Epos" legg til kai to gongar i året, og dette har blitt to store høgdepunkt for øybuarane kvart år. Etter kvart har også fleire og fleire frå fastlandet reist til Barmen i samband med besøk av bokbåten. Dette har såleis blitt eit viktig kulturtilbod for heile nærmiljøet. Vi håpar at dei lokale styresmaktene tek seg råd til at bokbåten for legge til kai også neste år.

 

For å vise kor glad Barmen er i bokbåten hadde fleire med seg nybaka kake, saft  og kaffi ombord. Det vart med det eit skikkeleg bursdagskalas for båten dei elskar nesten like høgt som Barmøyferja.

Sjå bilete frå bursdagsslskapet her.

Bokbåten trygt omkransa av Barmøyferja og båten til familen Ove Kjøllesdal, som kom frå Kjølsdalen til Barmen i samband med bokbåtbesøk.

FOLKEMØTE OM KOMMUNEPLANEN TORSDAG 14.11.

Møt opp i grendahuset torsdag 14.11. klokka 17.15. Presentasjon om kommuneplanen finn de her.  

Les meir på Selje kommune sine nettsider her.

Det vert julebord i grendahuset laurdag 23. november klokka 19.00. Spelemann blir Nils Petter Nes (som i fjor). Pris kr 300 pr person. Påmelding innan 10. november til Tor Ivar (911 36 294) eller Tove (913 34 112)

LITT OPPDATERTE LENKJER

eg opTida går, folk flyttar fram og tilbake og verksemder kjem og går. No er lenkjene noko oppdatert. Blant anna har vi prøvd å få inn lenkje til alle som tilbyr overnatting på Barmen gjennom internett. Vi blir glad om noko seier i frå om manglar og eventuelle feil ved desse lenkjene. Ta kontakt med fjellar@fjellar.no.

Gå til lenkjene her, eller klikk i margen til venstre.

EIN SOMMAR ER OVER, NYE FERJRUTER

Til ferjeruter                  Utskrift

ØYA PÅ FJELLTUR (01.06.2013)

1. pinsedag vart det arrangert felles fjelltur til Skjolden. Alle kom seg opp, og jammen kom alle ned att òg. På biletet ser vi litt av turfølgjet ta ein velfortent kvil under oppstiginga. (Foto: Ingmar Solvåg).

Sjå fleire bilete frå den flotte turen her.

FANTASTISK 17. MAI 2013 (17.05.2013)

 
 

Med 20 varmegrader, litt sol, Flatraket skulekorps, tog for både tobeinte og firbeinte, mykje folk, fest i grendahuset og vår eigen trubadur, må vi fastslå at 17. mai 2013 vart ein braksuksess på Barmen!

På Barmen feirar alle 17.mai.

Høyr songen her!

 

Sjå fleire bilete frå feiringa av nasjonaldagen på Barmen her.       (Foto: Ingrid OlineSolvåg)

HMS i HØGSETET UNDER DUGNADEN (15.05.2013)

Foto: Ellen Synnøve Myklebust  Fagerli

Onsdag 15. mai var det dugnad ved grendahuset. Vegen vart grusa, plenen vart raka, takrenner vart reinska, huset vart vaska både inne og ute. Til og med ein utandørs vasskrane vart montert av vår kjære rørleggar. Vi vil understreke at kyndig helsepersonell var til stades under utføring av slike arbeidsoppgåver som vi ser på biletet. Inne vart det pynta til feiring av nasjonaldagen, og styret i bygdelaget spanderte pølser, brus og kaffi på heile dugnadsgjengen.

 FJELLVATNET ER ISFRITT OG OPNA FOR FISKE (19.04.2013)

VÅREN LET VENTE PÅ SEG (07.04.2013)

(Foto: Frode Fagerli)

Islagde vatn og tett snøvêr er ikkje godt nytt for dei som ventar på våren. Torbjørn kunne nok tenkje seg andre typar reiskap bak traktoren når vi skriv 7. april.

HELG PÅ FJELLVATNET (20.01.2013)

(Foto: Håvar Fagerli)

2013 starta med mildvêr, men kuldegradene fekk fort overtaket igjen. Dette gjorde at det vart trygg is på Fjellvatnet for andre gong så langt denne vinteren. Kuldegrader i kombinasjon med nydeleg januarsol gjorde sitt til at det vart to sosiale dagar på Fjellvatnet 19.-20. januar.

(Foto: Håvar Fagerli)

RIKT UTVAL PÅ SALSMESSA 2012 (11.11.2012)

(Foto: Håvar Fagerli)

Søndag 11.11.2012 var det salsmesse. Eit rikt og variert utval gjorde sitt for at det vart ei god messestemning i grendahuset. Sjå meir her.

SVÆRT GOD BASARSTEMNING I GRENDAHUSET (14.10.2012)

t

Pengane og smilet sat laust då bygdelaget inviterte til basar laurdag 13.oktober 2012. Det vart ny basarrekord i nyare tid med 60 frammøtte. Bygdelaget takkar alle som møtte opp, og alle som gav gevinstar til basaren. Les meir her.

HENTA ØRN INN I HØNSEHUSET (13.09.2012)

Foto: Ingar Støyle Bringsvor

RØYSET (Av Håvar Fagerli): Ikkje alle hønsebønder tek ei havørn frivillig inn i hønsehuset, men det gjer dei på Røyset.

 

Det heile starta som ein  vanleg septemberdag. Elin Røyset køyrer skuleskyssen på Barmen, og var ikkje komen langt før noko trefte bilen med eit smell. Sjåføren stoppa bilen med ein gong, og såg at ho hadde kollidert med ei havørn som låg fortumla på bakken etter smellen. Havørna hadde rett og slett floge rett mot bilen til Røyset. Sjåføren fekk kontakta mannen, Ståle Brattbo, som er matros på Barmøyferja. Saman med skipper Bjørn Røyset sette dei seg i bilen, og rykte ut til ørna som var skadd etter samanstøyten med skuleskyssen.

 

I mellomtida hadde dei lokale hjelpemannskapa kontakta lensmannen i Selje, som igjen sette dei i kontakt med Statens naturoppsyn. Hjelpa var på veg, men før det måtte havørna oppbevarast ein lun og god plass. Hønsehuset på Røyset var frå før tømt for høner av eit anna rovdyr, og kunne difor brukast som midlertidig sjukestove for den uheldige havørna.

 

Bjørn Røyset hadde ein håv i bilen, og det viste seg å fungere greitt til fanging av ørn òg. Dei to karane fekk fanga havørna, og plassert ho inne i bilen. Redningsmannskapa fortel at dei ikkje var særleg høge i hatten då dei hadde ei havørn som passasjer i baksetet.

- Hadde ørna kome laus, hadde vi berre hatt ein ting å gjere: Kome oss ut av bilen i ein sabla fart, seier dei til barmen.no.

 

Vel framme på Røyset vart havørna varsamt transportert frå ørneambulansen og inn i hønsehuset til Ståle Brattbo. - Det er vel ikkje mange som har hatt havørn i hønsehuset heilt frivilleg, ler den tidlegare hønsebonden. - Det hadde no vore artig og sett reaksjonen til minken, om han hadde funne ei havørn i staden for høner når han er på besøk, legg han til.

 

Foto: Ingar Støyle Bringsvor

Tre timar etter uhellet var hjelpa koma fram til øya. Ingar Støyle Bringsvor hadde på kort varsel rykt ut til Barmen frå basen på Sandsøya, og fekk tatt fort hand om den skadde havørna. - Når ein først er så uheldig at ein køyrer på ei havørn, må eg seie at ein her har handtert situasjonen på ein god måte, seier den erfarne og fugleinteresserte 23-åringen.

 

Ingar Støyle Bringsor fortel at det kunne sjå ut som rovfuglen var treffen midt i brystet av bilen, og at ørna var kraftig forslått, men hadde ingen synlege skader. Støyle Bringssvor tok med seg fuglen til den erfarne fugleeksperten Alv Ottar Folkestad, som er rovviltkontakt i Statens naturoppsyn.

 

Då barmen.no er i kontakt med "sjukehuset" til Folkestad to dagar etter uhellet, får vi opplyst at havørna allereie hadde vore ute på trammen og trakka rundt. Den skadde hadde god matlyst, men hadde ikkje fått vengene til å fungere heilt. Ørna skal til røntgen etter helga, og ein får då eit meir sikkert svar om skader og prognosar. Men ekspertane har god tru på at havørna skal kome på vengjene igjen, og kanskje finne tilbake til Barmen.

 

KON-TIKI LEGG TIL KAI I GRENDAHUSET (28.08.2012)

KINO: tysdag 4. september: kl. 1730 Istid4       kl. 2000 Kon-Tiki       Les meir her

REISETIPS: SKJOLDEN (29.07.2012)

Fin familietur, med eit fantastisk utsyn. God tur! Klikk her for å sjå bildet. (Foto: Håvar Fagerli)

INFORMASJON OM FISKE I FJELLVATNET (11.08.2012)

Vi gjer merksam på at det no er ein meir normal bestand av fisk i Fjellvatnet, mot tidlegare år då det har vore ein unaturleg stor bestand. Dette skuldast at det ikkje lenger er røming av regnbogeaure frå oppdrettsanlegg i vatnet. No er det vanleg brunaure som dominerer i Fjellvatnet, mot regnbogeaure tidlegare år. Regnbogeauren er kjend for å vere meir glupsk og bite på det meste, og det blir då naturlegvis litt lenger mellom nappa. Vi håpar at vi med tida skal få opp ein god bestand av brunaure i Fjellvatnet. Vidare vil vi legge til at Fjellvatnet framleis ligg til rette for dei gode naturopplevingane, sjølv om det er lenger mellom nappa enn det var for nokre år sidan.

På vegne av Barmøy grunneigarlag, Håvar Fagerli.

Det er altså ikkje tomt for fisk i bvatnet. Her kan de lese ei fiskehistorie frå 2011.

RESTEFEST/KAFÈ I GRENDAHUSET SØNDAG 27. MAI (26.05.2012)

Klokka 14-17. Det vert sal av pølser, is og kaker. Fare for rebusløå rundt Fjellvatnet. Alle velkomne!

NB! Hugs endra ferjeruter 1. pinsdag, 27. mai.

DUGNAD VED OG I GRENDAHUSET (26.05.2012)

Godt oppmøte på dugnaden i mai gjorde at vi greidde alt vi skulle gjere på ein kveld: Ny grus på parkeringsplassen, drenering og grusing av vegen og rydding av uteområdet. Godt jobba alle saman!

"VÅREN SITT VAKRASTE EVENTYR (26.05.2012)

"Vårens vakreste eventyr "er det årlige anløpet av veteranbåten ATLØY, med påfølgende seilas til Selje. Som vanlig benyttet noene av øyboerne anledningen til en spesiell handletur .  (Tekst og foto: Kjell Hagelid)

STRÅLANDE 17. MAI - UTAN SOL, MEN MED REKORDDELTAKING (17.05.2012)

60 glade menneske feira nasjonaldagen på Barmen. Les og sjå meir her.

- TRUR DET KAN BLI EIT LANGT TOG (13.05.2012)

Det er venta mykje folk til Barmen 17. mai. Kanskje blir vi i år fleire enn Flatraket skulekorps, som også i år skal leie 17 mai-toget på Barmen. Her er litt informasjon om feiringa av nasjonaldagen:

Vi møter opp på ferjekaia klokka 13.40 til tog. Oppmøte i grendahuset klokka 15.00. Ta med mat!!!!!!!!

NB! Frå 1. mai går ikkje ferja fredagar klokka 13.15/13.25 når skulane har fri. Kontakt ferja for spørsmål.

FINT BESØK I BARMSUNDET (11.04.2012)

2.påskedag, 9. april 2012, fekk to barmagutar ei flott naturoppleving på sjøen ved Barmen. Tor og Kjell vart vitne til fem-seks spekkhoggarar som jaga sild isundet. Som om ikkje det var nok fekk dei òg selskap av ein sel som dei kunne klappe frå båten. Sjå fleire bilete her.                                                           (Foto: Kjell Hagelid)

BOKBÅTEN KJEM LAURDAG 24.03. KLOKKA 12.00 (21.03.2012)

Bokbåten "Epos" kjem til Barmen laurdag 24. mars klokka 1200. Program klokka 13.00.

I samband med bokbåtbesøket på Barmen hausten 2009 vart det laga eit barne-tv program i serien "Her er eg".

Sjå programmet på nett-tv her.

VÅREN ER HER: FJELLVATNET ER OPE FOR FISKE (17.03.2012)

Fiskesesongen er i gang. Skitt fiske! (Biletet syner nyfanga aure rett frå Fjellvatnet). Les meir

KINO: "PUS" OG "INTO THE WHITE" TIL GRENDAHUSET (03.03.2012)

Tysdag 13.03.2012: Klokka 1800 "Pus med støvler" i 3D. Klokka 2000: "Into the White".   Les meir

GLIMT FRÅ 2011 GJENNOM LINSA TIL HANNE MARIE (21.01.2012)

Takk til Hanne Marie som har sendt oss bilete frå 2011 på Barmen. Sjå bileta her.

- FOLKET PÅ BARMEN KLAGAR LITE, OG ER TOLMODIGE (29.12.2011)

Sjølv om folket på Barmen måtte vente i fire døgn før dei fek straum, var det lite klager frå øya. SFE skryt av tolmodet til øyfolket. Då må barmen.no få skryte tilbake, og takke montørane frå SFE for ein framifrå innstats dei siste døgera. Her er montørane Fivelstad og Brattheim i ferd med å skifte ut nokre øydelagte sikringar på Fjellet. Hunden Bella er òg tydeleg glad for å få lys i huset igjen. Sjå bilete frå orkanen Dagmar her.

DAGMAR ØYDELA JULETREFESTEN...OG MYKJE MEIR (29.12.2011)

1. juledag er det tradisjon at det skal vere ein fredeleg dag. Nokre meiner òg at denne dagen er det ikkje lov til å renne ned dørene til naboen. Men ei uhøfleg dame med namn Dagmar heldt ikkje denne tradisjonen i hevd. Orkanen Dagmar herja med store delar av Noreg kvelden 1. juledag. Også Barmen fekk besøk av denne strenge dama. Sjølve grendahuset greidde seg bra orkannatta, men straumtilførselen vart riven ut av veggen då eit tre la seg over linja. Med det hadde Dagmar øydelagt både juletre- og juletrefot-festen jula 2011. Sjå bilete frå orkanen her.

TIL BARMEN I JULA? - SJEKK FERJERUTENE (18.12.2011)

Juleruter                                       Ordinære ferjeruter

30 PÅ 3D-KINO I GRENDAHUSET TORSDAG 15. DESEMBER

Sjå programmet her.

JULEGRANKVEIKING I STILLE VÊR! (02.12.2011)

Mellom orkanar og stormar greie nemda å finne ein dag med stille og fint vêr.

Julegrana på ferjekaia vart kveikt fredag 02.12. med gløgg, varm saft, klementinar, julesongar, god stemning og trekkspel

SAUEFLOKK PÅ BARMEN GÅR TIL NETTET (20.11.2011)

Les meir om denne saueflokken på sauen.no

FANGA ST. PETERSFISK UTANFOR BARMEN (20.11.2011)

Ein lokal fiskar fekk ein fisk som han aldri før hadde sett i våre farvatn. Les meir om denne fisken her.

GOD BASARSTEMNING (20.11.2011)

Vi kan melde om god basarstemning og gjevarglede under basaren 13. november 2011. Tusen takk til alle som gav gevinstar og og kjøpte lodd og årar!

SKULEN ER SELT (09.11.2011)

Bygdelaget har selt skulen, og vil ynskje dei nye eigarane hjarteleg velkomne til Barmen.

JULEBORD BLIR SKOTÅRSFEST (19.10.2011)

Nemda har bestemt å avlyse julebordet, og erstatte dette med ein heidundrande skotårsfest laurdag 25. februar 2012.

Meir informasjon kjem seinare.

JOHNNY ENGLISH OG KNERTEN KJEM TIL BARMEN (19.10.2011)

Kino i grendahuset søndag 30.10.2011. Les meir.

BOKBÅTEN KJEM LAURDAG 05.11. KLOKKA 12 (27.10.2011)

Bokbåten "Epos" kjem til Barmen laurdag 5. november klokka 1200. Program klokka 13.00.

I samband med bokbåtbesøket på Barmen hausten 2009 vart det laga eit barne-tv program i serien "Her er eg".

Sjå programmet på nett-tv her.

GRUNNEIGARFEST I GRENDAHUSET (18.09.2011)

Laurdag 10.09.2011 var grunneigarar, hytteeigarar og andre med tilknyting til øya inviterte til fest i grendahuset. Nemda takkar alle dei frammøtte for ein svært triveleg kveld. Foto: Ingmar Solvåg

TRIMMING AV VALFLESK MÅNDAG 05.09. (29.08.2011)

Vil du vere med å trimme vekk litt valflesk? Møt opp i grendahuset måndag 5. september klokka 20. Les meir

Ein sommar er over. Ferja er tilbake til vinterrute.

BARMEN GODT REPRESENTERT PÅ SOMMARLUTT  (09.08.2011)

The Pink Robots var eit av banda på NRK Sommarlutt på Nordfjordeid i sommar. Bassist Gunnar er oppvaksen på Barmen, og gitarist John Erik pendla frå fastlandet til barnehagen på øya. Sjå meir frå Sommarlutt 2011 her.

- EIN FANTASTISK DAG PÅ BARMEN  (05.08.2011)

- Alle vi som fiskar i fjellvatn veit at vi ikkje kan få storfisk kvar gong vi fiskar, men vi fekk full klaff på vår første tur til Barmen, det var ein fantastisk dag, seier Bjørn Skoge.  Les meir om blåturen til Barmen her.

STØTT BARMØY BYGDELAG NÅR DU TIPPAR (03.08.2011)

Sjå her korleis det går med oss

JONSOKFEIRING PÅ RØYSET (17.07.2011)

Her kan du sjå glimt frå jonsokfeiringa 2011. Takk til Ingmar Solvåg, som var barmen.no sin utsende fotograf.

 

Sjå òg frå tidlegare jonsokfeiringar:

Jonsok 2004          Jonsok 2005           Jonsok 2007         Jonsok 2009       Jonsok 2010       Jonsok 2011

FANN FLASKEPOST FRÅ 2004 (21.06.2011)

Kjell og Sigrid Hagelid var søndag 19. juni på tur i Lagsvika. Der fann dei ein flaskepost som vart kasta i havet utanfor Danmark for over sju år sidan. Kjell har vore i kontakt med dansken som sende flaskeposten, og han var glad for at Barmen kunne melde om at dei hadde funne flaskepost nummer 1060. Ein kan no seie at Barmen har endå sterkare band til Danmark. Flaskeposten vart kasta i Kattegat 25. april 2004 av Erik Pedersen. Les meir om Pedersen her.

SOMMARRUTER FRÅ 20. JUNI  (19.06.2011)

Til ferjerutene

BARMARAR STARTA HEILE SVERDEGGJA (12.06.2011)

Sander og Ståle hadde sentrale roller i starten av Dragseidspelet "På Sverdeggja". Les meir på fjellar.no.

DET VART BLÅ HIMMEL TIL SLUTT  (17.05.2011)

Det vart ei flott feiring av nasjonaldagen på Barmen. Les meir.

NYE FERJERUTER FRÅ 1. MAI  (30.04.2011)

Ferja frå Barmen klokka 1920 vert endra til 1930 med retur frå Barmsund klokka 2000. Det vil seie at ferja frå Barmen klokka 1950 går ut. På fredag vert det sett inn ei rute frå Barmen klokka 1315 med retur klokka 1325. Les meir.

BINGOSUKSESS I GRENDAHUSET  (25.04.2011)

Stor speleglede i grendahuset på skjærtorsdag.  Les meir

AKTIVITETAR I PÅSKA:

Laurdag 16. april: Tove og Tor Ivar inviterer borna til cowboyfest klokka 1600-2000. Les meir.

Torsdag 21. april: Påskebingo i grendahuset! KLOKKA 1800!

GLINSANDE NYTT KJØKEN I GRENDAHUSET  (31.03.2011)

Med iherdig dugnadsinnsats og økonomisk støtte frå grunneigarlaget vert resultatet slik. Les meir.

FERJA ER TILBAKE I  RUTE ETTER VERKSTADOPPHALD (05.04.2011)

BARMEN.NO GRATULERER FLATRAKET SKULEKORPS  (27.03.2011)

Kvar 17. mai dei siste åra har Barmen fått besøk av Flatraket skulekorps. Søndag 27. mars arrangerte korspet i skulekrinsen musikkbasar, og barmen.no vil gratulerere korpset med ein flott konsert og god basarstemning. Vi vil òg nytte høvet til å gratulere med vel overstått 40-årsdag i 2010. Velkomne til Barmen 17. mai. Vi gler oss!

ALFRED SERVERER "KLOMPESUPA" I NORGE-RUNDT (26.03.2011)

Alfred Myklebust held mattradisjonane frå Barmen i hevd. Dette resulterte i eit flott innslag i fjernsynsprogrammet Norge Rundt. Her inviterte Alfred og Anne Laila til ein god middag, med "klompesupa" på menyen. Klikk på denne lenkja for å sjå innslaget.

PÅSKEBINGO I GRENDAHUSET PÅ SKJÆRTORSDAG (26.03.2011)

FOLKEMØTE OM KOMMUNEDELPLANEN (11.03.2011)

Fokemøte på FLatraket skule 21. mars. Les meir.

 

TA DEG EIN RUNDTUR PÅ BARMEN MED GOOGLE  (09.01.2011)

Ta deg ein rundtur på Barmen med Google. Klikk her.

 

Det var godt besøk på bygdekinoen søndag 12. desember. 

BRANNRIVENE REDDA GRENDAHUSET (28.11.2010)

Det kunne gått skikkleg gale då ein større lyngbrann starta i nærleiken av grendahuset. Grunneigarlaget har tidlegare kjøpt inn tjue brannriver, og desse kom godt med i det som utvikla seg til ein dramatisk lyngbrann. Rask lokal mobilisering gjorde eit ein greidde å sløkkje brannen før Selje brannvern kom til staden. Selje brannvern rykte ut med to bilar og fem mann. Dei sa at bygdefolket hadde gjort eit godt sløkkjearbeid med brannrivne, og alle prisa seg lukkelege for at ein greidde å unngå at brannen spreie seg til granene ved grendahuset.

Det heile enda godt, og både lokale brannkjemparar og det kommunale brannvernet kunne avslutte dagen med ein god kopp kaffi i grendahuset. Heldigvis slapp vi å sitje ute!!!

FJELLVATNET ER STENGT  FOR FISKE MELLOM 15.11.2010 - 15.03.2011

BOKBÅTEN KJEM LAURDAG 06.11.  (MEN DENNE GONGEN UTAN BARNE-TV)  (19.10.2010)

Bokbåten "Epos" kjem til Barmen laurdag 06. november klokka 13.30. Program klokka 14.30.

I samband med bokbåtbesøket på Barmen førre haust vart det laga eit barne-tv program i serien "Her er eg".

Sjå programmet på nett-tv her.

VIDEO LAGA AV HELMUT HANNÉ (23.10.2010)    

Helmut Hanné frå Bochum i Tyskland har feriert på Barmen, og har fanga ein flott videosnutt der ei ørn sveva rett forbi båten utanfor øya. Takk til Helmut Hanné for at han vil dele denne opplevinga med oss. (De kan sjå videoen i eit større vindauge med å høgreklikke og trykkje på zoom) God fornøyelse!

DÅ FERJELEMMEN SIGLA INN TIL BARMEN (19.09.2010)

(Foto: Kjell Hagelid)

Tysdag 7. september kom ferja "Osterøy" med ny ferjelem til kaia i Barmen. Takk til Kjell Hagelid som var barmen.no sin utsende denne dagen. Sjå fleire bilete frå den noko sjeldne landgangen her.

BARMEN PÅ BARNE-TV I SEPTEMBER (14.09.2010)

Alle morgonfuglar har sjansen til å sjå barne-tv frå Barmen 16. september klokka 0700 på NRK Super. Programmet vert òg sendt klokka 1100 same dag. Sjølve premieren på barne-tv klokka 18 på NRK Super vert måndag 27.09. Opptaka vart gjort i oktober 2009, og handlar om Kristianne som gler seg til å få besøk av bokbåten "Epos". Les meir om programmet her.

NABOØYA LÅG I VEGEN FOR SOLNEDGANG I HAVET (05.09.2010)

Laurdag 4. september møtte mange opp i Vikja  til sosialt samvær, bål og grilling. Det var stor spaning om ein fekk sjå sola gå i havet denne kvelden. Sjølv om ei anna øy skugga for solnedgangen vart det ein fantastisk koseleg kveld i Vikja i nydeleg vêr. På Barmøy er det fantastisk fint å bu! Tusen takk til Knut-Steffen, Ingmar, Norunn, Ingrid Oline og Odd Henrik for eit flott initiativ, bål og gode krabber. Sjå fleire bilete frå den trivlege kvelden i Vikja.

EIN GOD DAG PÅ JOBBEN (05.09.2010)

Bjørn på ferja er som kjent ein ivrig sportsfiskar, og det å jobbe på ferja har sine fordelar. Les meir

SISTE SJANSE TIL Å SJÅ SOLA GÅ I HAVET I ÅR? (02.09.2010)

Dei i Vikja inviterer til bålbrenning og sosialt samvær i fjøra laurdag 04.09. klokka 1800. Initiativtakarane stiller med ved til småbål for kos og grilling. Dei håpar òg å kunne servere nykokt krabbe. Vikarane har òg laga til eit større bål, og dei håpar at vindretninga tillet ei ekstra jonsokfeiring i september. Barmen.no prisar det gode initiativet, og håpar at flest mogleg finn vegen til Vikja denne laurdagskvelden. Redaksjonen vil sjølvsagt vere til stades med full dekning.

ARBEIDET MED FERJELEMMANE ER GODT I GANG (01.09.2010)

Onsdag 1. september starta arbeidet med utskiftinga av ferjelemmane i Barmen og i Barmsund. I arbeidet med monteringa av ferjelemmane vert det brukt ei stor mobilkran. Først ute er ferjelemmen på fastlandet, medan til arbeidet i Barmen skal det brukast ei spesialferje til mobilkrana. Ferjesambandet vert først stengt for køyrety frå og med laurdag 4. september. Stenginga og arbeidet er venta å halde fram til og med onsdag 8. september. For meir informasjon kan ein kontakte Barmøyferja AS på telefon 911 89 343.

STENGING AV FERJESAMBANDET BARMEN-BARMSUND (31.08.2010)

På grunn av utskifting av ferjelemmane vert ferjesambandet Barmen – Barmsund stengt for køyrety i tida laurdag 4. september til og med onsdag 8. september. For opplysning om nøyaktig tid for stenging og opning tlf 91189343. Persontransport vil gå etter oppsett rute.

GOOGLE SET BARMEN PÅ KARTET (17.08.2010)

Vanlegvis kjem Google til Barmen gjennom telefonleidningen, men 17. august 2010 kom den kjende søkjemotoren over til øya med ferja. Årsaka til dette var at Google filma kvar ein vegstubb på øya. Representanten frå Google seier til barmen.no at innan eit halvt år kan ein ta seg ein tur på Barmen med internett. Før Barmen kjem på nett kan de her ta ein prøvetur på Torgallmenningen i Bergen.  Barmen.no melder når de kan ta ein tur på Barmen i frå sofakroken.

MORGONSTEMNING I SMÅBÅTHAMNA

EIN SOMMAR ER OVER.......VINTERRUTER FRÅ 16. AUGUST (14.08.2010)

Ferjeruter

HERLEGE OG GRATIS FERJESVELER (08.08.2010)

Barmen kan by på det meste, men ikkje ferjesveler. Då var dei som reiste med ferja fredag 6. august ekstra heldige; Johanna og Daniel serverte då sveler, brus og kaffi til dei mange reisande. Dei unge servitørane hadde fått god hjelp frå grannane på Tuftane.

DELEGASJON FRÅ BARMEN PÅ FESTIVAL (08.08.2010)

Folket frå Barmen er kjende for godt samhald – også når dei ferdast på fastlandet. Her er ein delegasjon samla på Malakoff Rockfestival på Nordfjordeid. Om dei greidde å signere band til julebordet 2010 er uvisst.

ALLE VIL TIL BARMEN  (26.07.2010)

(Foto: Håvar Fagerli)

Det er hektiske dagar for ferjemannskapet på "Barmøy" då så mange som 143 passasjerar reiser med ferja på ein dag. Det er framleis plass til fleire - ferjerutene finn de her.

TRIVELEG JONSOKFEIRING PÅ RØYSET  (24.06.2010)

Det var både folksamt og god sommarstemning ved nausta på Røyset. Les meir

JONSOKFEIRING PÅ RØYSET ONSDAG 23. JUNI KLOKKA 1730  (17.06.2010)

(Foto: Håvar Fagerli)

Det blir tradisjonell jonsokfeiring på Røyset onsdag 23. juni klokka 1730. Det blir bål og fyr på grillen. Ta med det de vil ete og drikke. 

Jonsok 2004           Jonsok 2005           Jonsok 2007         Jonsok 2009

NYE RUTETIDER FRÅ 20. JUNI (17.06.2010)

Barmøyferja går sommarruter frå 20 juni til 15. august.                                Sommarruter   

17. MAI PÅ BARMEN 2010 (17.05.2010)

(Foto: Håvar Fagerli)

Toget på Barmen heldt ruta, og alle var samde om at det hadde vore ein fin dag.     Les meir.

MAI STARTA MED SNØ, MEN BLOMAR OG FISKARAR HELD STAND (01.05.2010)

MAIS SKAPAR STORE VANSKAR I FJELLVATNET (29.04.2010)

Grunneigarlaget informerer om at det er strengt forbode å nytte mais og andre matvarer som agn i Fjellvatnet og Heidavatnet. Grunneigarlaget fortel at mais er tungt fordøyeleg og unaturleg føde for fisken, i tillegg til at fiske med mais øydelegg for andre fiskarar som nyttar lovleg agn som mark og sluk. Når det er sagt, vert det meldt om svært godt fiske i Fjellvatnet. Dei som melder dette har brukt lovleg agn som mark frå Barmøy, spinnar og sluk. Hjarteleg velkomne til ei god fiskeoppleving - UTAN mais og andre matvarer!

Angeln mit Garnelen und Mais sind verboten! Lebensmittel können nicht als Köder verwendet werden. Danke!

BARMØYFERJA TILBAKE I RUTE (24.04.2010)

Barmøyferja er tilbake i rute etter sitt årlege verkstadopphald.

ENDELEG! FJELLVATNET ER ISFRITT OG OPNA FOR FISKE. (10.04.2010)

FULLT HUS I SKULEN UNDER PÅSKEKAFEEN (02.04.2010

Påska er tida for folkevekst. Med det vart det fullt skulehus på den tradisjonelle påskekafeen i  langfredag 2. april 2010.

Les meir.

FRAMLEIS IS PÅ FJELLVATNET (02.04.2010)

Det er difor desverre ikkje mogleg å fiske i Fjellvatnet. Barmen.no melder når våren og fiskesesongen startar på Barmen

GOD STEMNING UNDER KARNEVALET  I GRENDAHUSET

Både prinsesser, klovnar og superheltar hadde ein kjekk karnevalsfest i Grendahuset laurdag 14. februar.

HØGE BRØYTEKANTAR, MEN IKKJE STENGTE VEGAR PÅ BARMEN

Medan andre øyar måtte kaste inn handkleet, heldt Torbjørn vintervegane på Barmen opne i snøkaven natt til 5. februar. Barmøens Pendlarlag helsar til den tapre brøytesjåføren.

EIN HERLEG DAG PÅ BAKKEBØEN

Les meir og sjå fleire bilete

KAMPEN MOT FLÅTTEN ER SETT I VERK

Ei hemmeleg gruppering av bygdelaget starta før jul opp med eit prosjekt som skal knekke flåtten på øya. Dette kom i gang etter eit godt samarbeid med Sibir, som har sendt kaldluft til Barmen i fleire veker. Ein biverknad av dette kalde samarbeidet er ein god del centimeter med snø. Det har blitt svært mange turar for plogen. Torbjørn har halde vegane opne på ein god måte i veker med snø og kulde

PUBLIKUMSREKORD - 44 SÅG "JULENATT I BLÅFJELL"

Mange var på jakt etter den gode julesetmninga onsdag 16. desember 2009. Heile 44 små og store betalte seg inn på kinoen i Grendahuset for å sjå raudnissar og blånissar. Roar i Bygdekinoen seier at dette er ny publikumsrekord for kinoen på Barmen. Den gamle publikumsrekorden var 39 tilskodarar. For ordens skuld kan vi opplyse om at det er 37 fastbuande på øya, og at ferja hadde ein god dag denne desemberdagen.

FJELLVATNET ER STENGT  FOR FISKE MELLOM 15.11.2009 - 15.03.2010

BARNE-TV OG BOKBÅT BESØKTE BARMEN

Ein gong i 2010 kan du sjå barne-tv frå då bokbåten besøkte Barmen 31.10.2009. Les meir

DET KOM INN OVER 12.000 KRONER BRUTTO PÅ GRENDAHUSBASAREN

Barmøy bygdelag vil takke alle som deltok på basaren søndag 25.10.2009. Her kan du sjå nokre bilete frå basaren.

NESJARANE NYBAKTE NORGESMEISTRAR

Rakmakaren ANS har den beste rakfisken i Norge i klassen for oppdrettsfisk. 15 produsentar deltok under norgesmeisterskapen i raksfisk som vart arrangert 23. -25.10.09. Vi gratulerer Magni og Egil som norgesmeistrar.

BARMEN.NO FUNGERER ÒG PÅ HØGFJELLET

Vi har tidlegare funne ut at barmen.no fungerer i utlandet. Ein sommardag i 2009 reiste eit følgje på fire til fjellet Skåla (1848 m.o.h.) for å sjå om barmen.no også fungerte i høgfjellet. Vi kan glede alle med at: Ja, barmen.no fungerer 1848 meter over havet.                                                                                                                           Les meir

TILBAKE TIL ORDINÆRE FERJERUTER

Frå og med laurdag 15. august går igjen barmøyferja etter ordinære ruter.  

                                                                                        Ferjeruter

Barmøy bygdelag takkar for tida saman, og ynskjer lukke til vidare!

Jonsokaftan var heile øya samla på Røyset for å ta farvel med Ruuf, Ebbe, Gils, Gabriëla og Gerard. Den kreative og positive familien flyttar i sommar til Frøya. Barmen misser med det fem flotte sambygdingar.                   Les meir

DUGNAD PÅ VEGEN TIL GRENDAHUSET

Før nasjonaldagen vart dei mange holene på den kommunale vegen til grendahuset tetta igjen. (Foto: Håvar Fagerli)

EIN FLOTT 17. MAI-BUKETT SONG NASJONALSONGEN

Både flott vêr og flinke born gjorde nasjonaldagen på Barmen til ein sikkeleg festdag. (Foto: Håvar Fagerli)

FLEIRTAL I KOMMUNESTYRET FOR HYTTEFELT

Kommunestyret i Selje avgjorde onsdag 29.04.2009 med knapt fleirtal at det kan byggjast hyttefelt i Barmen.

Bruk lenkjene nedanfor til å lese meir. Bygdelaget har klaga på saksgangen, og saka kjem truleg opp på nytt.

Uttale frå innbyggjarar på Barmøy

Innlegg frå Kirsten Barmen

NRK Sogn og Fjordane

     NRK Sogn og Fjordane

Fjordenes Tidende

PÅSKETREFF FOR STORE OG SMÅ

Langfredag vart det tromma saman til påskekafé i skulen. Mange møtte opp, men få ville sitje i ro. Det brukar å bli slik når folk samlast her på øya. Fotballbana på skuleplassen vart flittig brukt, og innandørs kunne folket få att pulsen med hjelp frå kaffi, kaker og brus. Initiativtakarane kan fortelje at det kom inn 1.435 kroner brutto til skulebygget.

(Foto: Hanne Marie Utvær)

KONTAKT BYGDELAGET

Kariann Myklebust Fagerli er kontaktperson for Barmøy bygdelag.

De kan kontakte bygdelaget på:

E-post: kariann@mediamakar.no

Telefon: 57 85 62 72

Mobil: 936 62 334

MANGE LESEHESTAR PÅ BOKBÅTEN

Sjølv om vårsola varma godt i husveggane, fann mange vegen til Barmen og bokbåten ”Epos”. To gongar i året legg bokbåten ”Epos” til kai i Barmen, og det er eit kjært og godt tilbod for både øybuarane og mange andre. 

JAMES BOND ORDNA OPP I GRENDAHUSET

Det var svært godt besøk på kinoframsyningane søndag 30. november. Det var uoffisiell publikumsrekord då 15 kinogjengarar frå både øy og fastland betalte seg inn på James Bond "Quantum of Solace”. Barnefilmane har som kjent hatt gode besøkstal, det var også tilfelle på ”Madagaskar2”.

HØYRINGSUTTALE FRÅ SOGN OG FJORDANE TURLAG

Sogn og Fjordane Turlag har sendt høyringsuttale til reguleringsplan for hyttefelt på Barmøy.

Dokumentet kan du laste ned her.

ALT LIGG GODT TIL RETTE FOR TURAR PÅ SKJOLDEN

Endeleg er det igjen mogleg å skrive namnet sitt i ei bok på Skjolden. Takk til to ivrige turgåarar i turlaget.

 

Det spreke paret utfordrar no andre turgåarar til å ta seg turar opp på det høgste punktet på øya.                                                                            Les meir.

KARTLEGG LANDINGSPLASSAR PÅ BARMØY

Beredskapsnemnda i Barmøy bygdelag er no i ferd med å kartlegge aktuelle landingsplassar på øya for luftambulansen.                                                                                                                               Les meir.

GODE VINAR FRÅ BARMEN

Lars Barmen har i vår lansert to nye vinar, med det velklingande namnet: Barmen. Både raudvinen og kvitvinen er å finne på vinmonopola i distriktet. Den raude vinen er ein Sangiovese frå Toscana, og den kvite ein Pinot Grigio frå Lombardia. Vi gratulerer Lars med to gode vinar!

REGULERINGSFRAMLEGG TIL HYTTEBYGGING

Framlegget til reguleringsplan for utbygging av hyttefelt ved Fjellvatnet og i Barmen er no sendt til Selje kommune for politisk handsaming. Søkjar vil at framlegget skal ligge ope for alle, som rein informasjon.Offentleg ettersyn kjem etter eit eventuelt vedtak i Selje kommune. Det er store vedlegg, og kan difor ta litt tid å laste ned. Filene opnast i Adobe Reader.

Framlegg til reguleringsplan (21 MB)         Oversendingsbrev 6. mai (20kB)

LIVSTEIKN FRÅ FASTLANDET

Det vart ein merkedag for alle isomanar på øya då isbilen fann vegen over Barmsundet ein kveld tidleg i mai. Øyfolket gjekk mann av huse til tonane frå Grieg sin "Norsk dans nummer 2" for å fylle frysarane med is.

INGA KJÆRE MOR PÅ SKULEPLASSEN

Det skal mykje til for å stoppe damene på Barmen. Då snøen hadde lagt eit kvitt teppe over øya ein av dei siste onsdagane i mars, vart det tromma saman til skikkeleg rugbykamp på skuleplassen. Sjølv med harde taklingar og stor innsats, vert det ikkje meldt om skader av noko slag.                                                        Les meir.

SVEIN SIKRA SILDEMIDDAGEN

Det vart ein god dag for vår lokale fiskehelt då han kom opp i eit fantastisk sildeeventyr. Truverdige kjelder fortel at det må vere snakk om tusenvis av sild fordelt på to garn. Han måtte bruke heile tre dagar for å løyse all silda ut av garna.

Det er allment kjent at Svein er ein omtenksam og snill kar. Det har difor blitt servert mange herlege sildemåltid rundt om på øya den siste tida.                Sjå biletet her

Barmen i slutten av mars: Gjess og sauer på Myrane helsar våren velkomen.

FRÅ BARNE-TV TIL BARMEN

Lille Blå og hunden Voff har begge erfaring frå barne-tv. Laurdag 8. mars tok dei turen til Barmen saman med bokbåten Epos og mange hundre bøker.

Les meir  

INGEN HERRAR MØTTE OPP PÅ DAMETRIMMEN

Sjølv om damene hadde invitert karane på trim, møtte dei ikkje opp. Det vert heller ikkje rapportert om mannfolk på skogstur forbi skulen på det aktuelle tidspunktet. Talsmannen for hjartestartargruppa fortel at han pusta letta ut då alle damene kom seg heim for eiga maskin onsdag kveld.

Dei spreke damene kan fortelje at dei skal samlast kvar onsdag framover våren. Det vart gjort ein idédugnad, og damene skal gjennom alt frå volleyball til steppedans før dei tek sommarferie. Hjartestartargruppa fortel at dei er mest skeptisk til onsdagen som har rumpefotball på programmet.

 Les meir.

GLIMT FRÅ JONSOKFEIRINGA

40 glade barmarar hadde ei kjekk stund på Røyset jonsokaftan. Her vart det leika, ete reker og brent bål i stranda.

Sjå bileta!!

ENDELEG ER GJESTEBOKA PÅ PLASS IGJEN

Etter ei lita pause prøvar vi igjen med gjestebok. No er det på tide å skrive inn ei lita helsing. Lukke til!

GJESTEBOK

SKULEKAFÈ

2. pinsdag var det arrangert kafè i skulen. Inntektene av kake- og kaffisalet går til utbetringar av skulen. Finevêret dukka òg opp, og det vart fort uteservering på skuleplassen.

Les meir

DET VEKS I HAGEN TIL INGRID

Ingrid Evjen har no starta på eit stort hageprosjekt heime i hagen hennar i Barmen. Den godt vaksne har no starta opp eit større murearbeid i den flotte hagen hennar for å gje meir plass til alle dei fine blomane hennar.

Les meir

Sjå tidlegare hagebesøk

 GOD DUGNADSINNSATS PÅ SKULEN

50 flittige dugnadshender la ned ein god innsats på skuleplassen palmehelga. Dei starta her kampen mot skogveksten på fotballbana, slik at ein igjen kan sjå begge fotballmåla. Elin serverte laurdagsgraut. Hanne Marie hadde laga til aktivitetar for ungane.

 BIBLIOTEKET MÅTTE BERGAST

Bokbåten "Epos" fekk laurdag 17. mars 2007eit utlegg fast i propellane, og måtte ha hjelp av bilferja "Barmøy" for å ikkje drive i fjøresteinane på øya Barmen i Selje.

Skipper om bord på bokbåten "Epos", Stian Rysjedal, seier at dei hadde god kontroll over situasjonen, og at "Barmøy" var komen opp til dei før dei var dramatisk nær land.

ETTER DAGAR MED MINUSGRADER KOM VI OSS ENEDLEG PÅ ISEN

HELG MED FLEIRE AKTIVITETAR

Første helga i november var det duka for både basar og besøk av bokbåten. På laurdag fossa Epos inn til kaia i Barmen full av nye bøker og underhaldning. Ombord var Trond Magnum frå Abrakadabra teatret og synte teaterstykket ”Urokråka”.

Søndagen inviterte bygdelaget til basar til inntekt for grendahuset. .                                                                                                                            

HJORTEJAKTA ER I GANG

Hjortejakta som starta på søndag har til no resultert i ein felt hjort.

Skyttaren som "vann" denne gongen var Tor Fidje frå Lindesnes. Kolla vart skota på Fjellet, og hadde ei slaktevekt på 42 kilo.

Grunneigarlaget som organiserer jakta på Barmen har bestemt at ein skal skyte færre dyr enn i fjor. Lokale teljingar har synt at det truleg er færre hjortar på øya enn tidlegare. I tillegg vil grunneigarlaget prøve å få ein bestand av større dyr. Det er difor sett føringar på at det berre skal skytast unge koller utan kalv og små bukkar.

Hjortejakta varer til og med 15. november. Jegerar må hugse og notere ned talet på dyr dei ser i marka. Skitt jakt!

NYTT VESLEHUS PÅ RØYSET

 

Barmen er kjend for gode fiskevatn og flott natur. Øya kan no også skryte av  truleg å vere den øya med flest utedoar pr. innbyggjar. Frå før står det to utedoar rundt Fjellvatnet, og no er også ein ny utedo på Røyset offisielt innvia.

Det er bedrifta Reset i Selje som har vore innhyra til å setje opp bygget på oppdrag frå grunneigarlaget. Når dei var ferdige vanka det kaker til arbeidskarane. Noko som fall i god smak.

STRÅLANDE 17.MAI.

 

Det vart ein strålande grunnlovsdag på Barmen. Flatraket skulekorps besøkte oss og skapte god stemning også i år. I grendahuset kunne vi mimre over 17. mai før i tida, kaste hestesko og piler, skyte med luftgevær og ete mykje is og kaker. Til venstre ser vi Odd Henrik ta leiinga framfor onkelen, Torbjørn, i det årvisse kappløpet ved grendahuset.

Les meir.

 

PÅSKETREFF I SKULEN

Langfredag var det påsketreff i skulen. Her kunne ungane leike, spele biljard, prate og handle kaffimat til inntekt for vedlikehald av skulen. Over 60 menneske møtte opp. Les meir.

BARMEN.NO FUNGERAR I UTLANDET!

For å finne ut om nettstaden fungerte i utlandet reiste to representantar til Fuerteventura for å finne ut dette. No som vi veit at det går, er vi interessert i å få bildehelsingar frå heile verda som vi kan publisere. Send bilde og gjerne litt tekst til fagerli@barmen.no.

ODD HENRIK PÅ TV 2

I beste sendetid laurdag 18.01. kunne ein sjå eit innslag frå Barmen og bokbåten. Odd Henrik gjorde ein strålande figur i fjernsynsruta og svarte godt for seg.

 

Les meir om bokbåtbesøket her!

 

HF 18.03.06

REFERAT FRÅ ÅRSMØTET I BYGDELAGET 26.02.06. KLIKK HER!

TV2 OG BOKBÅT PÅ BESØK

Laurdag 11.mars fekk barmarane besøk av bokbåten med TV2 på slep. TV2 lagar ein reportasje om bokbåten som etter planen skal synast i magasinet laurdag 18. mars.

Elles var det eit kjekt besøk av bokbåten med rimeleg godt frammøte og kjekt program for dei minste. På biletet til venstre ser vi intervjuar Kruse og kameramann Knudsen. Til høgre ser vi Barmandavinnar Svein svare rutinert på spørsmål frå media.

Sjå meir frå bokbåtbesøket her.

HF 12.03.06

IS PÅ FJELLVATNET

Det har i romjula og på nyåret vore eit kaldt og klårt ver i området. Det har difor lagt seg ein glimrande stålis på Fjellvatnet. Isen har vorte flittig nytta til skeiseløp og andre sosiale aktivitetar på Fjellvatnet. I tillegg vert det fine solnedgongar når lyset speglar seg i isen. Men no kjem mildveret, og det kan vere lenge til vi er så heldige å ha så fin is på vatnet igjen.         HF 08.01.06

"NY SUKSESS FOR BARMADAGEN!"

Overskrifta er henta frå Fjordens Tidende 25. juli 2005. Barmen.no kan berre seie seg samde, og konstantere at godvèret og over 150 menneske møtte opp til Barmadagen 23.juli. Kokkelaget (f.v. Knut Haugland, Lars Barmen og Egil Myklebust) serverte eit herleg grillmåltid før ein fekk dansa frå seg i grendahuset til musikk frå Inge Ronny Kvåle med fleire. Les meirHF 02.08.05

HER ER EIN LINK TIL EI BILETSIDE SOM VART LAGA I 2003. NYE BILETE VIL KOME SEINARE.bilete.htm

                 HJELPA ER NÆR!

Hausten 2002 kjøpte grunneigarlaget hjartestartar til bygdelaget på Barmen. 10.mai var det på tide med oppfriskingskurs for hjartestartargruppa på åtte medlemmar. Desse åtte er opplært i bruk av hjartestartar, og kan bruke den om det er naudsynt før medisinsk hjelp er på plass. Les meir. HF 13.05.05

STØTTEGRUPPE FOR BOKBÅTEN SKIPA PÅ BARMEN!

Med Kjell Hagelid som initiativtakar har ein no skipa ei støttegruppe for å bevare tilbodet med bokbåten. Hagelid har skrive ein artikkel om besøket bokbåten gjorde I Barmen 12.03.   Les meir.         HF 16.03.05

Les meir her. Det kan ta litt tid å laste ned. Kanskje kan du lese ei god bok medan du ventar? Les meir her

EVAKUERINGSTRENING PÅ BARMØY

Fredag 18.02. hadde Barmøyferja evakueringstrening. Dette var ei såkalla varsla trening. Det vil seie at passasjerane var førebudde. Alt gjekk greit, sjølv om matrosane Børje og Ståle såg litt som måtte rettast på. Vi slapp heldigvis å hoppe til havs denne gongen.

HF 24.02.05

ÅRSMØTET 2005

Søndag 13.02. vart det halde årsmøte i Barmøy bygdelag. På biletet ser vi avtroppande vaktmeister Svein Røyset og sitjande leiar, Olaug Wold. Av saker som vart handsama var billettprisane på ferja der det vart bestemt at bygdelaget skulle halde eit innlegg på kommunestyret 16. februar. I følgje Fjordenes Tidende gjorde bygdelaget ved Olaug eit godt inntrykk på kommunestyret.

BARMADAG 2004

Barmadagen 2004 vart ein stor suksess: Mykje besøk ved Ekrenaustet på Røyset, 150 betalande gjester til grillmåltidet og god deltaking på dei ulike tevlingane. 

Sjå fleire bilete her               Les programmet her     18.07.04 kl. 2355

Denne sida er laga av ein fjellar.