.jpg?crc=3947595538)
Barmen.no
Foto: Håvar Fagerli
Barmøy bygdelag
6715 Barmen
Juniorklubben arrangerte julebord for foreldra
(07.12.2014): Tove og Tor Ivar ved Barmøy Gjestehus inviterte laurdag 7. desember alle borna som bur på Barmen til å vere med på å lage julebord til foreldra. Tove og Tor Ivar starta tidlegare i år opp Juniorklubben, og dei fem medlemmane i Juniorklubben starta førebuingane allereie klokka 12. Då foreldra kom til Barmøy Gjestehus hadde Juniorklubben laga både svineribbe, saueribbe, kålrabistappe, raudkål, pølser, bollar, og riskrem. Dei heldige foreldra kan melde om at både maten, serveringa og underhaldninga var framifrå. Seinare på kvelden vart foreldra sende heim, og Juniorklubben vart verande igjen til neste dag. - Tusen takk for eit fantastisk julebord, seier dei seks heldige foreldra som vart trakterte denne kvelden.
Adventskafè gav alle inntektene til Selje sjukeheim
(30.11.2014): Ein gjeng driftige damer på Barmen arrangerte laurdag 29. november adventskafè og salsmesse i grendahuset. På førehand hadde dei bestemt at alle inntektene frå kafèen skulle gå uavkorta til Selje sjukeheim. I tillegg vart alle innkjøp av mat og råvarer til kafeen sponsa av Barmøy gjestehus AS. I løpet av laurdagen vart det òg arrangert lotteri til inntekt for sjukeheimen, der alle utstillarane på salsmessa sponsa gevinstane.
Nytt entreprenørselskap etablert på Barmen.
(18.10.2014): Gunnar og Sivert Barmen Solvåg har saman kjøpt gravemaskin, og har starta firmaet Barmen Maskin AS. Maskina er ei JCB-maskin på 6 tonn, og selskapet tek på seg dei fleste oppdrag. Barmen Maskin AS sitt første oppdrag var grøfting og drenering. Den første kunden kunne fortelje at han var godt nøgd så langt. Barmen.no ynskjer den nystarta verksemda lukke til.
Nytt entreprenørselskap etablert på Barmen.
(18.10.2014): Gunnar og Sivert Barmen Solvåg har saman kjøpt gravemaskin, og har starta firmaet Barmen Maskin AS. Maskina er ei JCB-maskin på 6 tonn, og selskapet tek på seg dei fleste oppdrag. Barmen Maskin AS sitt første oppdrag var grøfting og drenering. Den første kunden kunne fortelje at han var godt nøgd så langt. Barmen.no ynskjer den nystarta verksemda lukke til.
Nytt entreprenørselskap etablert på Barmen.
(18.10.2014): Gunnar og Sivert Barmen Solvåg har saman kjøpt gravemaskin, og har starta firmaet Barmen Maskin AS. Maskina er ei JCB-maskin på 6 tonn, og selskapet tek på seg dei fleste oppdrag. Barmen Maskin AS sitt første oppdrag var grøfting og drenering. Den første kunden kunne fortelje at han var godt nøgd så langt. Barmen.no ynskjer den nystarta verksemda lukke til.
Hjarteleg gjensyn med "MF Barmøy"
(03.09.2014): Gleda til øybuarane var stor då "MF Barmøy" var tilbake i drift i dag. Ferja har vore ute av drift sidan fredag 22. august grunna motorfeil. Båten "Sunniva" har trufast gått ruta i staden for bilferja i denne perioden. 22. august oppstod ein liten brann i startmotoren til ferja. Grunnen til at ferja har vore så lenge ute av drift var feil på dei nye delane som måtte bytast ut. På dei første turane etter driftsstansen var det fleire som markerte dette med både fløyting og gode klapp på baugen til "MF Barmøy".
Hjarteleg gjensyn med "MF Barmøy"
(03.09.2014): Gleda til øybuarane var stor då "MF Barmøy" var tilbake i drift i dag. Ferja har vore ute av drift sidan fredag 22. august grunna motorfeil. Båten "Sunniva" har trufast gått ruta i staden for bilferja i denne perioden. 22. august oppstod ein liten brann i startmotoren til ferja. Grunnen til at ferja har vore så lenge ute av drift var feil på dei nye delane som måtte bytast ut. På dei første turane etter driftsstansen var det fleire som markerte dette med både fløyting og gode klapp på baugen til "MF Barmøy".
Barmøyferja AS fiksar det meste.
(22.08.2014): «MF Barmøy» vart sett ut av drift fredag 22. august grunna motorfeil. Turistar, gjester og fastbuande tenkte då at alle bilar var fanga på øya heilt til ferja vart reparert. Men Barmøyferja AS visste råd. Kort tid etter motorstansen var slepebåt på plass og fekk slept ferja med sju bilar over til fastlandet. Barmøyferja AS seier til barmen.no at nye delar til ferja er tinga, og at det går passasjerbåt etter vanlege rutetider til ferja er i drift igjen. Kontakt Barmøyferja AS for meir informasjon.
Barmøy Gjestehus gjev gratis ferie til tre familiar
(21.06.2014): Tove og Tor Ivar har lenge tenkt at dei vil gjere noko for dei som ikkje har råd til å reise på ferie. I samarbeid med Røde kors gjev dei i sommar tre familiar gratis opphald i gjestehuset deira på Fjellet. Les saka til NRK her.
Triveleg feiring av 17. mai 2014 med både korps og tale.
(17.05.2014): Med opphaldsvêr, eit Flatraket skulekorps i storform, mykje god mat, mange gjester og svært god tale av Tor Ivar kan vi melde om at feiringa av grunnlovsdagen vart ein suksess i 2014 òg.
Bråtebrann sende eit grannelag på sjukehus
(13.04.2014): Ein bråtebrann kom ut av kontroll på Fjellet, og fem fjellarar måtte overnatte på sjukehus. Heldigvis gjekk det bra, og på nettstaden sauen.no kan de lese om ein skamfull sauebonde på Fjellet. Les meir her.
Ny desinfiseringsstasjon på plass ved Fjellvatnet.
(07.05.2014): Fiskevert Tor Ivar med fleire har lagt ein solid jobb med den nye desinfiseringsstasjonen ved krysset til grendahuset. Fiskegruppa driv no kartlegging av Fjellvatnet, slik at det kan setjast ut ein ny stamme brunaure i 2015. Vatna er opne for fiske. Les meir om det her.
Hederleg omtale av Barmøyferja i Fjordenes Tidende
(13.04.2014): Barmøyferja er livsnerven til øya vår. Les meir her.
Ein klar seksar til den første restauranten på Barmen
(30.03.2014): Barmøy Gjestehus har tidlegare hatt fleire typar arrangement, og no er også restauranten i det sjarmerande gardstunet opna. Barmen.no oppsummerer restaurantbesøket på denne måten: - Fantastiske smakar i eit stilfullt interiør med eit svært hyggeleg vertskap, seier matmeldaren til barmen.no. Les meir her.
Ein klar seksar til den første restauranten på Barmen
(30.03.2014): Barmøy Gjestehus har tidlegare hatt fleire typar arrangement, og no er også restauranten i det sjarmerande gardstunet opna. Barmen.no oppsummerer restaurantbesøket på denne måten: - Fantastiske smakar i eit stilfullt interiør med eit svært hyggeleg vertskap, seier matmeldaren til barmen.no. Les meir her.
Ein klar seksar til den første restauranten på Barmen
(30.03.2014): Barmøy Gjestehus har tidlegare hatt fleire typar arrangement, og no er også restauranten i det sjarmerande gardstunet opna. Barmen.no oppsummerer restaurantbesøket på denne måten: - Fantastiske smakar i eit stilfullt interiør med eit svært hyggeleg vertskap til ein triveleg pris, seier matmeldaren til barmen.no. Les meir her.
Ein klar seksar til den første restauranten på Barmen
(30.03.2014): Barmøy Gjestehus har tidlegare hatt fleire typar arrangement, og no er også restauranten i det sjarmerande gardstunet opna. Barmen.no oppsummerer restaurantbesøket på denne måten: - Fantastiske smakar i eit stilfullt interiør med eit svært hyggeleg vertskap, seier matmeldaren til barmen.no. Les meir her.
Juniorklubben i Barmøy Gjestehus
(16.03.2014): Tove og Tor Ivar inviterte fredag 14. mars til juniorklubb i Barmøy Gjestehus. Juniorane fekk både lage og ete vårrullar og smoothie. Bladfyken frå barmen.no fekk òg smake, og kan melde om at det smakte heilt fantastisk. Etter eit godt måltid fekk juniorane plante kvar sine urter og måle på ekte lerret. Vil du vite meir om Juniorklubben, er det berre å ta kontakt med Tove eller Tor Ivar ved Barmøy Gjestehus.
Fjellvatnet opnar 15. mars - Allmøte angåande Fjellvatnet 17. mars
(10.03.2014): Etter ein mild vinter er det med glede å melde at Fjellvatnet opnar for fiske 15. mars. Som kjent har grunneigarlaget fått løyve til å setje ut aureyngel i Fjellvatnet. I samband med dette blir det allmøte for fiske-, vatn og friluftsgruppa måndag 17. mars klokka 1700. Det blir enkel matservering. Møtet har open dagsorden. Velkomne!
.jpg?crc=123966561)
.jpg?crc=216016887)
.jpg?crc=4120591931)
Reidar Kjelsen og Bokbåten på besøk laurdag 15. mars
(16.03.2014): Illustratør og forfattar Reidar Kjelsen tok godt vare på den einaste guten blant publikum, då han og bokbåten "Epos" la til kai ved Barmen. (Foto: Hanne Marie Utvær)
Reidar Kjelsen og Bokbåten på besøk laurdag 15. mars
(16.03.2014): Illustratør og forfattar Reidar Kjelsen i aksjon. (Foto: Hanne Marie Utvær)
Reidar Kjelsen og Bokbåten på besøk laurdag 15. mars
(16.03.2014): God stemning ombord på bokbåten "Epos". (Foto: Hanne Marie Utvær)
Rømegrauten smakte så godt at tysdagstrimmen vart avlyst
(04.03.2014): Dei spreke damene på øya inviterte på feitetysdag heile øya til rømegraut i grendahuset. Etter det barmen.no kjenner til var grauten så god, og grautinntaket så stort at tysdagstrimmen vart erstatta med middagskvil denne ettermiddagen. Tusen takk til dei spreke trimdamene for nydeleg graut, spekemat og dessert.
Rømegrauten smakte så godt at tysdagstrimmen vart avlyst
(04.03.2014): Dei spreke damene på øya inviterte på feitetysdag heile øya til rømegraut i grendahuset. Etter det barmen.no kjenner til var grauten så god, og grautinntaket så stort at tysdagstrimmen vart erstatta med middagskvil denne ettermiddagen. Tusen takk til dei spreke trimdamene for nydeleg graut, spekemat og dessert.
Rømegrauten smakte så godt at tysdagstrimmen vart avlyst
(04.03.2014): Dei spreke damene på øya inviterte på feitetysdag heile øya til rømegraut i grendahuset. Etter det barmen.no kjenner til var grauten så god, og grautinntaket så stort at tysdagstrimmen vart erstatta med middagskvil denne ettermiddagen. Tusen takk til dei spreke trimdamene for nydeleg graut, spekemat og dessert.
På Barmen stiller vi opp for kvarandre
(20.02.2014): Svein stiller alltid opp for store og små på øya når dei står ovanfor praktiske utfordringar. Torsdag 20. februar var det Svein sin tur til å ta imot litt hjelp. Då stilte denne dugnadsgjengen opp, og bygde nytt inngangsparti for Svein.
Barmøy Gjestehus inviterte heile øya på middag
(15.02.2014): På sjølvaste Valentinsdagen, 14. februar, inviterte Tove og Tor Ivar heile øya til offisiell opning av Barmøy Gjestehus . Vertskapet tok sjølvsagt i mot alle dei 30 gjestene med både kjærleik og nydeleg mat.
Barmen turlag er skipa, og alle kom vel heim etter jomfruturen
(28.01.2014): Kvar tysdag klokka 1800 skal øyfolket samlast til felles trimtur. Tysdag 28.01.2014 gjekk den første turen frå Kåsabakkjen og ned i Barmnen, og oppatt til Kåsabakkjen. 11 spreke fotgjengarar i alderen 10-70 år deltok på turen. Neste tur blir frå Innigard tysdag 4. februar klokka 1800. Alle er velkomne!
Leikegrind, søndagsmiddag og juniorklubb
(11.01.2014) 14. februar opnar den nyoppstarta verksemda, Barmøy Gjestehus, med Leikegrind for både store og små.
Nye nettsider
(27.12.2013) Barmøy bygdelag har endra leverandør av serverløysing, og markerer den lønsomme endringa med nye nettsider. Vi håpar de finn fram på sidene. Om ikkje, ta kontakt med Håvar Fagerli
Velkomen som medlem i bygdelaget!
(27.12.2013) Barmøy bygdelag har berre eitt krav til nye medlemmer: De må bu på øya. Det er fleire eigedommar både til sals og til leige på øya. Les meir her.
Nettsida til Barmøy bygdelag starta opp i 2003. Mykje har hendt sidan den gong, og i arkivet kan ein leite seg tilbake på fleire måtar. I 2003 starta redaksjonen med blanke ark, og det har difor ikkje blitt eit godt arkiv med søkjefunksjon. Sida har òg endra utsjånad og struktur mange gongar desse åra. Vi håpar at du likevel greier å bla deg tilbake i historia til barmen.no. Er det noko du meiner manglar, er det berre å ta kontakt med redaktøren.
Her kan de gå tilbake til nettsida slik ho var i 2013.
Her kan de sjå nyhende frå 2003
Nedanfor kan de bla dykk gjennom nyhende frå juli 2004- desember 2013:
barmen.no © 2017
Sida er utforma av ein fjellar